Ang Engkantado ay isang nobelang umiinog s mundo ng bata at kabataang Pilipino, hinabi ng malikhaing malay ng manunulat sa napakatandang kapaniwalaan ng lahi sa loob ng mga dantaon. Napagtagumpayan ng nobelista na buhayin ang isang mundo ng kababalaghan na sinangkapan ng pagtalakay sa kahulugan ng pag-ibig, hustisya, at pagmamahal sa kalikasan. Ginamit sa nobela ang katutubong mahika ng mga lamang-lupa at binanghay ang isang kahanga-hangang daigdig ng kababalaghan na ang realismo ay hindi mapasusubalian. Ang Engkantado ay humahamon sa imahinasyon ng bata at kabataan. Tiyak na kalulugdan ng buong pamilyang Pilipino ang taglay nitong metapora, sagisag, at salamangka sa katotohanan na waring idinuduyan sa isang mitikal na inang lupa. Magandang handog ng matatanda ang Engkantado para sa mga bata at kabataan at alay ng mga bata at kabataan sa kanilang ama at ina, lolo at lola, at isa mga kalaro at kaibigan.

Source: https://www.cebookshop.com/index.php?route=product/product&product_id=186746&search=engkantado 

235 pages : illustrations ; 18 cm